မွန်-ခမာတို့ အုပ်စုဟာ တရုတ်ပြည်တောင်ပိုင်း ကျန်စီမြစ်ဝှမ်းတွင် စတင်အခြေတည် နေထိုင်ခဲ့တယ်လို့ ဆိုတားတယ်။ ဒါနဲ့ပတ်သက်ပြီး ပါမောက္ခ G.H.Luce က သူရေးတဲ့ “Old Burma, Early Pagan (1969) စာအုပ်မှာ ဒီလိုရေးသားထားတယ်။

“The pioneers in civilization both in Old Burma and Old Siam were the Mons. Significantly, the Mons had played a major role as the most prominent agent in spreading and propagating Indian. And I hold that the original homeland of the Mon-Khmers was Yangtze valley before they were pushed south by the Chinese in time immemorial.”

“မွန်လူမျိုးတို့ဟာ မူလပထမဦးစွာ တရုတ်တောင်ပိုင်း ဂိုဘီသဲကန္တာရမှာ နေထိုင်လာခဲ့ကြတယ်။ ထို့နောက် ရေကြည်ရာ မြက်နုရာနေရာဒေသသစ်ကို ရှာဖွေရင်း တရုတ်ပြည်တောင်ပိုင်းဘက်သို့ တဖြည်းဖြည်းရွှေ့ပြောင်းလာရာမှ မြန်မာပြည်တွင်းသို့ ၀င်ရောက်လာကြတယ်” လို့ သက်သေအထောက်အထားတွေနဲ့ အခိုင်မာဆိုထားတယ်။

သမိုင်းပါမောက္ခဒေါက်တာသန်ထွန်းကလည်း အောက်ပါအတိုင်းမှတ်ချက်ချထားတာကို တွေ့ရတယ်။

“ မွန်နှင့်ခမေရ်လူမျိုးတို့ကား မွန်ဂိုလ်အနွယ်ဝင်များဖြစ်၍ ၀၊ ပလောင်၊ ရိယန်တို့မှာ မွန်ဂိုလ်အနွယ်များဖြစ်သော်လည်း ၀ တို့၌် တောင်ဖက်အမျိုး (Australoid) ရောနှောမည်ဟု သံသယရှိသည်” လို့ ဆိုထားတယ်။

နောက်ပြီး ဦဘသန်းရေးတဲ့ မြန်မာ့ရာဇ၀င်၊ စာမျက်နှာ-၅၀ မှာ အောက်ပါအတိုင်း ရေးသားထားတာကို တွေ့ရပြန်တယ်။

“ မွန်လူမျိုးတို့ကား တိဘက်တိုးဘားမင်း(ပျူ၊ ကမ်းယံ၊ သက်)လူမျိုးတို့ မရောက်လာမီကပင် တရုတ်ပြည်အနောက်ပိုင်း ကုန်းပြင်မြင့်များမှ တောင်ဘက်သို့ ဆင်းလာကြပြီးလျှင် ဧရာဝတီမြစ်ဝ၊ စစ်တောင်းမြစ်ဝ၊ သံလွင်မြစ်ဝအရပ်ဒေသတို့တွင် မြို့ရွာတည်ထောင်နေထိုင်ကြသည်ဟု ထင်ရန်ရှိသည်။ မွန်ရာဇ၀င်သမိုင်းတစောင်တွင် မွန်လူမျိုးတို့သည် ရှေးပဝေသဏီအခါက မွန်တိဟုအမည်တွင်လျက် ရှမ်း(စောထိုင် သို့မဟုတ် ထိုင်) လူမျိုးတို့နှင့်အတူ ဧရာဝတီမြစ်နှင့် သံလွင်မြစ်တို့အကြား ကုန်းမြင့်တောင်တန်းကြီးတလျှောက် မြို့ရွာပြုစု နေထိုင်ကြကြောင်း၊ နောင်ကာလရှည်လျားမှ တောင်ဘက်သို့ ရွှေ့ဆင်း၍ အဆိုပါမြစ်ကြီးတို့၏ အ၀ရှိအရပ်ဒေသတို့တွင် နေထိုင်ကြကြောင်းနှင့် ဆိုသည်။”

အလွန်ထင်ရှားတဲ့ အထက်ပါသမိုင်းပညာရှင် (၃)ဦးရဲ့ အရေးသားကိုကြည့်ရင် မွန်-ခမာလူမျိုးတို့ဟာ မွန်ဂိုလ်အနွယ်ဖြစ်တယ်။ တရုတ်ပြည်အနောက်ပိုင်းကုန်းမြင့်မှ တောင်ဘက်သို့ ဆင်းသက်လာပြီး မြန်မာနိုင်ငံတွင်းသို့ ရောက်ရှိလာတယ်ဆိုတာ ထင်ရှားတယ်၊ အိန္ဒိယနိုင်ငံ တိလင်္ဂဃတိုင်းက မွန်လူမျိုးတို့ ဆင်းသက်လာတာကို မတွေ့ရဘဲ၊

တဖန် The New Encyclopaedia Britannica စွယ်စုံကျမ်းမှာလဲ အောက်ပါအတိုင်း ရေးသားဖော်ပြထားတာကို တွေ့ရတယ်။

“ မွန်လူမျိုးတို့ရဲ့ မင်းနေပြည်တော်ဟာ ဟံသာဝတီနိုင်ငံ ဖြစ်သည်။ မွန်လူမျိုးတို့သည် (၉) ရာစုမှ (၁၁) ရာစု၊ (၁၃)ရာစုမှ (၁၆)ရာစုအထိနှင့် (၁၈)ရာစုတွင် နှစ်အပိုင်းအခြားတိုတောင်းတဲ့ကာလများမှာ ဗမာနိုင်ငံတွင် အလွန်တံခိုးသြဇာ ကြီးမားခဲ့တာဖြစ်တယ်။ တရုတ်ပြည်အနောက်ပိုင်းမှာ တောင်ဘက်ပိုင်းသို့ ရွှေ့ပြောင်းနေထိုင် လာပြီး စောဖုရားမြစ်ဝှမ်း ‘Chao Phraya River’ တို့မှာ အခြေချ နေထိုင်လာခဲ့သည်။”

အထက်ပါစာပုဒ်တွေအရ မွန်လူမျိုးတို့မှာ တရုတ်က ဆင်းသက်လာတယ်ဆိုတာ ထင်ရှားတယ်။ တရုတ်ပြည်တောင်ပိုင်း ကျန်စီမြစ်ဝှမ်းက ဆင်းသက်လာတယ်ဆိုတာ ကျွန်တော်တို့ ထင်ထင်ရှားရှားသိရတယ်။ အိန္ဒိယနိုင်ငံ တိလင်္ဂဃတိုင်းက ဆင်းသက်လာတယ် ဆိုတာကို တဦးတယောက်ကမှ ရေးသားထားတာ မတွေ့ရဘူး၊ ဘယ်သမိုင်းစာအုပ်မှာမှလဲ မတွေ့ရဘူး၊ ဒါပေမဲ့ တချို့ သမိုင်းစာအုပ်မှာ တိလင်္ဂဃတိုင်းနဲ့ ဆက်စပ်ပြီး မွန်လူမျိုးတို့အကြောင်းကို ရေးသားထားတဲ့အချက်တချက်ရှိတယ်။ ဘယ်လိုရေးသားထားလဲ ဆိုတော့ အိန္ဒိယတောင်ပိုင်း တိလင်္ဂဃကလူမျိုးတို့ဟာ မွန်လူမျိုးတို့ရဲ့ ရာမည ဒေသကို လာရောက်တိုက်ခိုက်တယ်။ ဒါပေမဲ့ မွန်လူမျိုးတို့က ပြန်လည်တိုက်ခိုက်ချေမှုန်းပြီး ထိုကျူးကျော်သူ တိလင်္ဂဃတိုင်းသားတိုင်းသားတို့ကို ရာမညဒေမှ မောင်းထုတ်နိုင်ခဲ့တယ် လို့ သမိုင်းစာအုပ်မှာ ရေးသားထားတာကို ဖတ်ဖူးတယ်။ အောက်ပါစာပုဒ်က သက်သေပြလျှက်ရှိသည်။

“ အထင်မြစ်ညာတွင် မြို့ပြတည်ထောင်နေထိုင်သော တိဘက်တိုဘာမင်း(ပျူ၊ ကမ်းယံ၊ သက်) တို့အပေါ်တွင် မဇ္ဈိမဒေသ အိန္ဒိယမြောက်ပိုင်းမှ သာကီဝင်မင်းတို့ လာရောက်အုပ်ချုပ်သကဲ့သို့ မွန်လူမျိုးတို့အပေါ်တွင်လည်း အိန္ဒိယတောင်ပိုင်း (ယခုမဒရပ်နယ်) တယ်လင်္ဂဏအရပ်မှ မင်းများလာရောက်အုပ်စိုးဟန်ရှိသည်။ မည်သို့မဆို မွန်လူမျိုးတို့ကား မိမိတို့နိုင်ငံသို့ လာရောက်ကြသော အိန္ဒိယတိုင်းသား ကုလားတို့နှင့် အကြိမ်ကြိမ်တိုက်ခိုက်ကြရသည်” (ဦးဘသန်းရေး မြန်မာ့ရာဇ၀င်၊ စာ၅၁)

မှတ်ချက်။ ။၎င်းရေးသားချက်များသည် “ တလိုင်း ဝေါဟာရ သုတေသနစာတမ်း “ မှ ကူးယူဖော်ပြထားပါသည်။


0 comments

Post a Comment

သင်ဘယ်ကလဲ?