ကျွန်တော်တို့ မွန်ပြည်နယ်ဘလော့အား အောက်ပါလိပ်စာသို့ ပြောင်းရွှေ့ရေးသားမည်ဖြစ်ပါသည် ...လာရောက်အားပေးကျပါဦးဗျာ ..
http://ramonnya.isgreat.org
မွန်သမိုင်း
ရာမညသား
0
comments
နောက်ခံသမိုင်း
မွန်လူမျိုးတို့သည် ဂေါတမမြတ်စွာဘုရားမပွင့်မီ နှစ်ပေါင်း ၅၀၀ ကျော်၊ ခရစ်တော်မပေါ်မီနှစ်ပေါင်း ၁၀၀၀ ကျော်၊ (ဘီစီ- ၁၀၀၀) လောက်ကပင် မြန်မာနိုင်ငံအောက်ပိုင်း၊ ယိုးဒယားနိုင်ငံတောင်ပိုင်းဒေသများတွင် စနစ်တကျအခြေချနေထိုင်ပြီး မြို့ပြနိုင်ငံများထူထောင် ခဲ့ကြသည်။ မွန်လူမျိုးတို့သည် ဘီစီ- ၁၀၀၀ လောက်တွင် ကေလာသနယ်ဝန်းကျင်တွင် သုဓမ္မ၀တီမြို့ကို တည်ထောင်ခဲ့ကြသည်။ မြန်မာနိုင်ငံအောက်ပိုင်း ရန်ကုန်နှင့်ပဲခူးဒေသတို့တွင် မြို့ရွာတည်ထောင်ပြီးနေထိုင်ကြစဉ် ယိုးဒယားနိုင်ငံတောင်ပိုင်းတွင် လပ်ပူရီကို မြို့တော်အဖြစ်ထားကာ ဒွါရ၀တီပြည်ကိုတည်ထောင်ခဲ့ကြသည်။ အရှေ့တောင်အာရှတွင် ယဉ်ကျေးမှုမြင့်မားစွာဖြင့် နေထိုင်ခဲ့သည့် လူမျိုးဖြစ်သည်။
ဦးငါးဦး
သာသနာဝင်ကျမ်းများအဆိုအရ ဂေါတမမြတ်စွာဘုရားပွင့်တော်မူပြီး (၄၉) ရက်မြောက် လင်းလွန်းပင်ရင်၌စံနေတော်မူစဉ် မြန်မာနိုင်ငံဥက္ကလာပတိုင်းသား မွန်လူမျိုး တဖုဿနှင့် ဘလ္လိက ကုန်သည်ညီနောင်နှစ်ဦးတို့သည် မြတ်စွာဘုရားကို ဖူးမျှော်ခဲ့ရပြီး သာသနာတော်တွင် ဘုရားကို ဦးစွာဖူးမျှော်ခွင့်ရသူများ၊ သရဏဂုံနှစ်ပါးတွင် ဦးစွာတည်သူများ၊ မြတ်စွာဘုရား ကိုယ်စားတော် သံဃာတော်များကို ဦးဆုံးကိုးကွယ်ခွင့်ရသူများ၊ မြတ်စွာဘုရား၏ဆံတော်များ ဌာပနာပြီး ကမ္ဘာပေါ်တွင် ပထမဦးဆုံးစေတီဖြစ်သော ရွှေတိဂုံစေတီတော်ကို တည်ထားကိုးကွယ်ခွင့်ရခဲ့သူများဖြစ်သည်။
သာသနာအစသထုံက
ဂေါတမမြတ်စွာဘုရား ဘုရားဖြစ်ပြီး (၈) ၀ါမြောက်တွင် ဂ၀မ္ပတိမဟာထေရ်ကို အကြောင်းပြု၍ သထုံ၊ ဟံသာဝတီ စသော မွန်တို့၏ဒေသ များသို့ ဒေသစာရီကြွချီရောက်ရှိတော်မူသည်။ မြတ်စွာဘုရားပရိနိဗ္ဗာန်ပြုပြီး သာသနာသက္ကရာဇ် ၂၅၃ ခုနှစ်၊ သီရိဓမ္မာသောကမင်းကြီး လက်ထက် ကိုတိုင်းကိုးဌာနသို့ ရဟန်းတော်များ စေလွှတ်သာသနာပြုစေရာတွင် သောဏထေရ်နှင့်ဥတ္တရထေရ်နှစ်ပါး သထုံဒေသသို့ သာသနာပြုရန်ရောက်ရှိတော်မူပြန်သည်။ သာသနာသက္ကရာဇ် ၉၀၀ ကျော်တွင် မွန်အရှင်ဗုဒ္ဓဃောသမထေရ်သည် သီဟိုကျွန်း (သီရိအလင်္ကာ)သို့ ကြွကာပိဋကတ်တော်များကို မာဂဓဘာသာဖြင့် ပေရွက်ပေါ်တွင်ကူးယူပြီး သထုံသို့ ယူဆောင်လာခဲ့၍ မွန်တို့ဒေသတွင် ဗုဒ္ဓသာသနာတော် ထွန်းကားစည်ပင်လာခဲ့သည်။ အနော်ရထာမင်းလက်ထက် ပိဋကတ်တော်များကို သထုံမှပုဂံသို့ဆောင်ကြဉ်းခဲ့ပြီး ထေရ၀ါဒဗုဒ္ဓဘာသာသည် မြန်မာနိုင်ငံအနှံ့ ပြန်နှံ့သွားခဲ့သည်။ ထို့ကြောင့် “သာသနာအစသထုံက´´ဟု ဆိုစမှတ်ပြုကြကြောင်း တွေ့ရှိရပါသည်။
မွန်စာပေ
မွန်စာပေသည် အေဒီ(၅)ရာစုခန့်လောက်တွင် ပေါ်ပေါက်နေပြီဖြစ်ကြောင်း စတင်တွေ့ရပါသည်။ အိန္ဒိယတောင်ပိုင်း ပလ္လ၀လူမျိုးတို့၏ ပလ္လ၀အက္ခရာကို အခြေခံ၍မွန်စာကို တီထွင်ခဲ့ကြသည်။ သထုံခေတ်တွင် မွန်စာပေကောင်းစွာ ထွန်းကားနေပြီဖြစ်ကြောင်း သုဝဏ္ဏဘူမ္မိ ၀န်းကျင်တွင် တွေ့ရှိရသော မွန်ကျောက်စာများက ဖော်ပြနေသည်။ ယိုးဒယားနိုင်ငံတောင်ပိုင်း ပရပထုံကျောက်စာသည် ခရာဇ်နှစ် (၅)ရာစုခန့်တွင် မွန်တို့ မွန်စာကို ကောင်းစွာရေးတတ် ဖတ်တတ်နေပြီဖြစ်ကြောင်း ပြဆိုနေသည်။
မွန်စာပေသမိုင်းကို ဆန်းစစ်မည်ဆိုလျှင် ကျောက်စာ၊ မင်စာ၊ အုတ်ခွက်စာ၊ ခေါင်းလောင်းစာ၊ စဥ့်ကွင်းစာ၊ အင်္ဂတေစာ၊ ပုရပိုဒ်စာ၊ ပေစာ၊ ပုံနှိပ်စာ စသည်ဖြင့်ပုံစံအမျိုးမျိုးတွေ့ရှိနိုင်သည်။ ပိဋကတ်တော်ဆိုင်ရာကျမ်း၊ ရာဇာဝင်ကျမ်း၊ ဆေးကျမ်း၊ ဓါတ်ကျမ်း၊ ဗေဒင်ကျမ်း၊ ပျို့ကဗျာလင်္ကာကျမ်း၊ ပုံဝတ္ထုများ၊ စကားပြေအရေးအသားများ စသည်ဖြင့် စုံလင်လှသည်။
မွန်အနုပညာယဉ်ကျေးမှု
မွန်တို့သည် ပန်းပဲ၊ ပန်းထိမ်၊ ပန်းတဉ်း၊ ပန်းတော့၊ ပန်းရန်၊ ပန်းပု၊ ပန်းတမော့၊ ပန်းပွတ်၊ ပန်းချီ၊ ပန်းယွန်း စသည့် ပန်း(၁၀)မျိုး အတတ်နှင့်အဆောက်အဦးများတည်ဆောက်ခြင်း၊ အင်္ဂတေရုပ်လုံးများထွင်းထုခြင်းစသည့် လက်မှုပညာများကိုသထုံခေတ်တွင်ကောင်းစွာ တတ်မြောက်နေပြီဖြစ်သည်။ သထုံဝန်းကျင်တွင် ဂ၀ံကျောက်ဆစ် လက်ရာများကျန်ရစ်နေသည်ကို ယခုတိုင်တွေ့မြင်နိုင်ကြပါသည်။
မှတ်ချက်။ ။ ဤအထက်ပါ အကြောင်းအရာများကို ဆရာ ရာမညမိုးစွေ ရေးသားသော မွန်ဂီတနိဒါန်း စာအုပ်မှ တစ်ထပ်တည်း ကူးယူကောက်နုတ်ပါသည်။
ဒီပိုစ့်ကို ကိုမော်စီဘလော့ မှကူးယူဖော်ပြသည်။
မွန်ဘုရင်မကြီး ရှင်စောပု
ရာမညသား
0
comments
မြန်မာ့သမိုင်းတွင် ဘုရင်မ ဟူ၍ တစ်ဦးတည်းသာ ရှိခဲ့ဖူးပါသည်။ ထိုဘုရင်မမှာ မွန်ဘုရင်မကြီး ရှင်စောပု ဖြစ်ပါသည်။ ဘုရင်မကြီး ရှင်စောပုအကြောင်းကို ပြည့်စုံစွာရေးသားထားသော စာအုပ်လေးကို မျှဝေပေးလိုက်ပါသည်။
http://www.fileden.com/files/2008/7/19/2009813/chit%20oo%20nyo_shin%20saww%20pu.pdf
မွန်တို့၏ ရိုးရာအိမ်
Anonymous
0
comments
မွန်တို့၏ ရိုးရာအိမ်ပုံစံကို ရေးထားတဲ့ စာတမ်းပါ။ စိတ်ဝင်စားရင်လေ့လာလို့ရအောင် တင်ပေးလိုက်တာပါ။ မြန်မာလို ပြန်ပြီးတင်မလို့ပါဘဲ။ အင်္ဂစာ အရမ်းတော်လို့ မြန်မာလို မပြန်တော့ပါဘူးဗျာ။ တတ်နိုင်ရင်ဘာသာပြန်ပေးကြပါ။အားမနာပါနဲ့ဗျာ။ ကျွန်တော်စိတ်မဆိုးတတ်ဘူး။ အခုတော့ လင့်ဘဲပေးလိုက်မယ်။ ဘယ်လိုတင်ရမှန်းမသိလို့။ မသိတာတွေက များနေပြီး။ အဟီး။
http://www.fileden.com/files/2008/7/19/2009813/Mon%20Traditional%20House.pdf
တိုင်းဒဂုံက ရွှေတိဂုံ
Anonymous
0
comments
ရွှေတိဂုံစေတီတော်အကြောင်းဆိုပေမဲ့ ကျွန်တော် ရွှေတိဂုံ ဆိုတဲ့အမည်နာမဘယ်ကနေစတင်ပေါက်ဖွားလာသလဲဆိုတဲ့ မေးခွန်းကိုဘဲ အထူးပြုဖော်ပြသွားပါရစေ ။ ဒီမေးခွန်းဖြေဖို့ ကျွန်တော်တို့သမိုင်းကြောင်းကို ပြန်ဆန်းစစ်ကြည့်ရမှာပါ ။ သမိုင်းဟာ လူမျိုးတစ်မျိုး၊ နိုင်ငံတစ်နိုင်ငံ၊ အဖွဲ့အစည်းတစ်ခုခု၊ လူတစ်ဦးတစ်ယောက်ရဲ့ အတိတ်က ဖြစ်ပျက်ခဲ့တဲ့ အကြောင်းအရာတွေကို အမြဲထာဝရ သက်သေခံနေတဲ့ မှတ်ကျောက်တစ်ခုပါ။ သမိုင်းနဲ့ဘဲ ပြီးခဲ့တဲ့ ဖြစ်ပျက်ခဲ့တဲ့ အကြောင်းအရာကို ဆုံးဖြတ်အတည်ပြုကြတာမဟုတ်လား။ ဒါကြောင့် ရွှေတိဂုံဆိုတဲ့ စကားလုံးဘယ်ကနေ ပေါက်ဖွားလာသလဲဆိုတာကိုသိဖို့ ပထမဦးဆုံး အဲဒီစေတီကို ဘယ်သူစတင်တည်ထားကိုးကွယ်သလဲဆိုတာကို ကျွန်တော်တို့သိရပါမယ်။ အားလုံးသိကြတဲ့အတိုင်းပါဘဲဗျာ။ ရွှေတိဂုံစေတီတော်ကို ရာမညတိုင်းရှင် ဥက္ကလာပမင်းကြီး ဦးဆောင်ပြီး တဖုတ္တ နဲ့ ဘလိက္က ညီနောင်နှစ်ပါးတို့နဲ့အတူ ရာမညတိုင်းသားတို့ကတည်ထားကိုးကွယ်ခဲ့ကြပါတယ်။ ဒီနေရာမှာ ကျွန်တော်တို့တော်တော်များများ (အများအားဖြင့် နောက်ပိုင်းလူငယ်တွေပေါ့) က ဥက္ကလာပမင်းကြီး ၊တဖုတ္တ နဲ့ ဘလ္လိက တို့ဟာ ဗမာလူမျိုးလို့ သိကြပါတယ်။ ရွှေတိဂုံစေတီတော် သမိုင်းကြောင်း ကို ရေးထားတဲ့ စာအုပ်တွေမှအစ ဘုရားရဲ့ သမိုင်းကြောင်းကို စပ်ဆိုထားတဲ့ သီချင်းတွေကအလယ် ဓမ္မပူဇာတေးကအဆုံး တည်ထားကိုးကွယ်သူတွေရဲ့ လူမျိုးကို တိတိကျကျရေးထားတာကို ကျွန်တော်ဖတ်ဖူးမှတ်ဖူးသလောက် မတွေ့ဖူးပါဘူး။ မြန်မာပြည် ရာမညတိုင်းမှ တဖုတ္တ နဲ့ ဘလ္လိက ညီနောင် ရယ် ဥက္ကလာပ မင်းကြီးရယ် တည်ထားကိုးကွယ်တဲ့ခုနှစ်ရယ် ဆိုတာကို ဘဲတွေ့ရှိရပါတယ်။ အဲဒါကြောင့် ကျွန်တော်တို့ကလဲ မြန်မာပြည်သားဆိုတော့ တည်ထားကိုးကွယ်တဲ့ လူမျိုးကိုလည်း ဗမာလူမျိုးလို့ ယူဆကြမှာဘဲ။ ဒါဟာလည်းဖြစ်နိုင်ပါတယ်။ တကယ်တမ်းကျတော့ ရာမညတိုင်းဟာ မွန်တို့ဌာနေပါ။ မွန်တို့ဌာနေကဆိုတော့ ဥက္ကလာပမင်းကြီး ၊တဖုတ္တ နဲ့ ဘလ္လိက တို့ဟာ မွန်လူမျိုးဖြစ်တယ် ဆိုတာ ထင်ရှားပါတယ်။ ဒါဟာလည်း ငြင်းပယ်လို့မရအောင် ဗုဒ္ဓ၀င်၊ ရာဇ၀င် ဆိုတဲ့ သမိုင်းကြောင်းက သက်သေခံနေပါတယ်။ အမှန်မှာ သူတို့အကြောင်းကို ရာမညဒေသအကြောင်းဆောင်းပါးမှာ ကျွန်တော်ရေးခဲ့ပြီးပါပြီ။ ရွှေတိဂုံရဲ့ အမည်နာမကို ဆန်းစစ်ဖို့အတွက် တည်ထားကိုးကွယ်ခဲ့တဲ့လူမျိုးကိုသိဖို့ လိုအပ်လို့ပါ။ ကဲ ကျွန်တော်တို့စဉ်းစားကြည့်ရအောင်ဗျာ။ လူမျိုးတစ်မျိုးက သူတို့တည်တဲ့ဘုရားရဲ့ အမည်နာမကို တစ်ခြားလူမျိုတွေရဲ့ ဘာသာစကားနဲ့ နာမည်ပေးတာ ထုံးစံမရှိပါဘူး။ ဒီလိုပါဘဲ ရာမညတိုင်းသား မွန်လူမျိုးတို့ တည်ထားတဲ့ ဘုရားဟာ မွန်အမည်နာမဘဲ ဖြစ်ရမှာပေါ့။ ဒါဖြင့် မွန်လူမျိုးတွေခေါ်ဝေါ်ခဲ့ကြတဲ့ ရွှေတိဂုံဘုရားရဲ့ မူရင်းအမည်နာက ဘာလဲဆိုတာကို ဆက်လက်လေ့လာကြရအောင်။ ကျွန်တော်တို့လူသားတွေဟာ အမည်နာမတစ်ခုကို ခေါ်ဝေါ်သုံးစွဲတော့မည်ဆိုလျင် အများအားဖြင့် လူပုဂ္ဂိုလ်၊ အရပ်ဒေသ၊အရေအတွက် နောက်ကြောင်းရာဇ၀င် စသည်တို့ကို အစွဲပြုပြီး ခေါ်ဝေါ်တတ်ကြပါတယ်။ အဲဒီလိုပါဘဲ ရွှေတိဂုံစေတီတော်ဟာ အရပ်ဒေသကို အစွဲပြုပြီး ခေါ်ဝေါ်ခဲ့ကြတဲ့ ဘုရားတစ်ဆူဖြစ်ခဲ့ပါတယ်။ အရင်တုန်းက ယခုကျွန်တော်တို့သိနေတဲ့ ရန်ကုန်တိုင်းကို မွန်လူမျိုးတို့က ဒဂုံတိုင်းဟု သမုတ်ခဲ့ကြပါတယ်။ ဒဂုံတိုင်းမှာ တည်ထားသော ဘုရားဖြစ်တဲ့အတွက်ကြောင့် ဒဂုံတိုင်းကဘုရားလို့ ခေါ်ဝေါ်ပြောဆိုခဲ့ကြတယ်။
မွန်ဘာသာဖြင့် ကျာ်လဂုင် ဟုရေးသားပြီး ကျိုက်လဂုံ ဟုအသံထွက်ဆိုခဲ့ကြပါတယ်။ တတိယမြန်မာနိုင်ငံကို တည်ထောင်ခဲ့တဲ့ အလောင်းမင်းတရားကြီးလက်ထက်မှာ မွန်တို့ကို တိုက်ခိုက်အောင်မြင်ပြီးနောက်မှာ ဒဂုံ ကို ရန်ကုန် ဆိုပြီး အမည်နာမ ပြောင်းခဲ့ပါတယ်။ ဒါကိုလည်း အားလုံးသိပြီးသားပါ။ ရန်ကုန်ဒေသမှာရှိတဲ့ ကျိုက်လဂုံကိုလည်း အခြားသောတိုင်းရင်းသားတို့က ကျိုက်ဒဂုံ ဟု ခေါ်ဆိုကြပါတယ်။ နောက်ပိုင်းမှာ ကျိုက်လဂုံ(သို့) ကျိုက်ဒဂုံ ဟာ မြန်မာပြည်ရဲ့ မူပိုင်သင်္ကေတ အဖြစ်ကျော်ကြားလာခဲ့ပါတယ်။ မွန်လူမျိုးတို့ အတွက် ဂုဏ်ယူစရာ ပေါ့လေ။ ဒါပေမဲ့ ဖြစ်ချင်တော့ နောက်ပိုင်းမှာ မွန်လူမျိုးတို့ရဲ့ မူပိုင်ကျိုက်ဆိုတဲ့စကားလုံးနေရာမှာ ရွှေနိုင်ငံ(Golden land) ကို ကိုယ်စားပြုတဲ့ ရွှေ ဆိုသော စကားလုံးဖြင့် အစားထိုးခဲ့ကြပါတယ်။ ထို့အတူ လဂုံ လိုလို ဒဂုံ လိုလို ဖြစ်နေသောစကားလုံးကို လည်း တိဂုံ ဖြင့် အတည်ပြုပေးလိုက်ကြပါတယ်။ အဲဒီအချိန်ကစပြီးတော့ ကျိုက်လဂုံ ဟာ မြန်မာပြည်တွင်းမှာ သာမက ကမ္ဘာ့  တ၀ှမ်းမှာ ရွှေတိဂုံ ဟူသော အမည်နာမဖြင့် ခေါ်ဝေါ်ပြောဆိုလာကြပါတယ်။
***ကျွန်တော်တို့ မွန်လူမျိုးတွေကတော့ ယခုအချိန်အထိတော့ ရွှေတိဂုံ စေတီတော်ကို ကျိုက်လဂုံ ဟုခေါ်ဆိုနေကြပါတယ်။ ရန်ကုန်မြို့ကိုလည်း လဂုံမြို့ (တုံးလဂုံ) ဟု ခေါ်တွင်နေကြဆဲပါ။ မွန်လူမျိုးတွေနေထိုင်တဲ့ ဒေသကို ကြုံကြိုက်ရင် မေးမြန်းကြည့်ကြပါဗျာ။ ကောင်မလေးတွေကိုဘဲ မေးကြပါနော်။ တမျိုးမထင်ကြပါနဲ့။ သူတို့က ယောကျာ်းလေးတွေထက်ပိုပြီးစိတ်ရှည်လို့ပါ(အဟီး)။
လေးစားစွာဖြင့်
Saitnon
မွန်နှင့် ဗမာတို့၏ ဘာသာစကားနှင့် ယဉ်ကျေးမှု ပေါင်းကူးချိန်သည် မွန်နှင့် ဗမာတို့ ကျောက်ဆည် နယ်တွင် ဆုံတွေ့၍ အတူတကွ နေထိုင်ခဲ့သောအချိန်မှ စတင်ခဲ့ပါသည်။
ထိုအချိန်အတွင် မွန်တို့သည် မြေပြန့်လွင်ပြင်တွင် လယ်ယာလုပ်ငန်းဖြင့် အေးချမ်းသာယာစွာ နေထိုင်ခဲ့သည်မှာ အနှစ်သုံးထောင်ခန့်ပင် ကြာညောင်းခဲ့ပြီး၍ ယဉ်ကျေးမှုအရာတွင် အလွန်မြင့်မား နေပါသည်။ မွန်တို့၏ အချက်အချာ နိုင်ငံဖြစ်သော ဒွါရ၀တီနိုင်ငံ သည်လည်း တန်ခိုးကြီးမားနေချိန် ဖြစ်ပါသည်။ ထို့ပြင် မွန်တို့သည် ထေရ၀ါဒဗုဒ္ဓဘာသာ ပိဋကတ်တော်များနှင့်တကွ စာပေ အရေးအသားများကိုပါ ပိုင်ဆိုင်ထားကြပြီးဖြစ်၍ စိတ်သဘောထား နူးညံ့သိမ်မွေ့နေသူများ ဖြစ်ကြပေပြီး။
ယဉ်ကျေးမှုသည် မြင့်ရာမှနိမ့်ရာသို့ စီမြဲဖြစ်သည့်အတိုင်း မွန်နှင့် ဗမာတို့ဆုံတွေ့ကြရာတွင် မြင့်မားသော မွန်ယဉ်ကျေးမှုသည် မြန်မာများထံသို့ ဒလဟောစီးသွားပေလိမ့်မည်။ လယ်ယာစိုက်ပျိုးရေးပညာ၊ လက်မှုပညာ၊ ဂီတအနုပညာ၊ ဘာသာအယူဝါဒများနှင့်တကွ ဘာသာစကား ဝေါဟာရများနှင့် စာပေ အရေးအသားများပါ မြန်မာများထံသို့ ကူးစီးသွားကြမည် ဖြစ်ပါသည်။
မွန်နှင့်ဗမာကို နှိုင်းယဉ်ရာ၌ ယဉ်ကျေးမှုအရာတွင် မွန်က ဗမာထက်အနည်းဆုံး အနှစ်တစ်ထောင် စောသည်ကို သတိပြုစေလိုပါသည်။
ရန်ကုန်တက္ကသိုလ်တွင် သမိုင်းပါမောက္ခအဖြစ် ထမ်းဆောင်ယင်း ပြည်ထောင်စုသားများကြားတွင် နှစ်ပေါင်းများစွာ နေထိုင်ကာ ကျန်စစ်သားမင်း၏ မွန်ကျောက်စာ (၁၂)တိုင်ကို ဖတ်၍ အက်ပီဂရပ်ဖီယာဗားမင်နီကာ ခေါ် ဗမာကျောက်စာပေါင်းချုပ် စာအုပ်ကိုတည်းဖြတ် ပြုစုပေးခဲ့သော အလွန်လေးစားအပ်သည့် ပါမောက္ခချုပ်၏ ယူဆချက်သည်လည်း ဒေါက်တာသန်းထွန်း၏ ယူဆချက်နှင့် ထပ်တူထပ်မျှပင် ဖြစ်ပါသည်။
ရှေးဗမာသမိုင်းပညာရှင် များသည် ဗမာတို့က ပျူတို့ထံမှတဆင့် ဘာသာယဉ်ကျေးမှုနှင့် စာပေ အရေးအသားကို လက်ခံရရှိခဲသည်ဟု ယူဆလိုကြသည်။ သို့သော် နောက်ပိုင်းတွင် တွေ့ရှိလာရသော သမိုင်း အထောက်အထားများ အရ ဒေါက်တာသန်းထွန်းက အမှန်ကို ဖော်ထုတ်ပြလို၍ သုံးနှုန်းလိုက်သည့် အတိုင်း '' ဗမာတို့ဆရာကား မွန်ဖြစ်သည်" ဆိုသည်မှာ ထင်ရှားလှပါသည်။
ဗမာတို့သည် ကျောက်ဆည်နယ်တွင် မွန်တို့နှင့် စတင်တွေ့ဆုံခဲ့ပြီး၊ မွန်တို့ထံမှ ဘာသာ ယဉ်ကျေးမှုနှင့် စာပေအရေးအသားကို လက်ခံယူသည်။ နောင်အင်အားကြီးထွားလာသည့် အခါတွင်မှ ကျောက်ဆည်နယ်၏ မြောက်ဘက်နှင့် အနောက်ဘက်သို့ တစတစတိုးချဲ့ကာ ပျူတို့၏ ယဉ်ကျေးမှုနှင့် ထိတွေ့လာကြသည်။ ထို့ကြောင့် ပျူတို့သည် မြန်မာတို့၏ ဒုတိယ ဆရာဖြစ်သည်။ သို့သော် ပျူယဉ်ကျေးမှုနှင့် ထိတွေ့သောအချိန်တွင် ဗမာတို့သည် မွန်ယဉ်ကျေးမှုတည်းဟူသော နို့ချိုအေးကို တ၀သောက်စို့ ခဲ့ရပြီးဖြစ်သည်။
မှတ်ချက် ။ ။ ကျနော် ဤမွန်-မြန်မာ စာပေယဉ်ကျေးမှုပေါင်းကူးချိန် ဆောင်းပါကို ဒေါက်တာမင်းတင်မွန် ရေးသားသော မွန် - မြန်မာ စာပေပေါင်းကူး စာအုပ်မှ တစ်ထပ်တည်းကူးယူ ကောင်နုတ်ထားပါသည်။
ဒီပိုစ့်ကို ကိုမော်စီဘလော့ မှကူးယူဖော်ပြသည်။
မွန်ပြည်နယ်၏မြို့တော် မော်လမြိုင်မြို့တွင် အကြီးဆုံးစေတီတော်ကို ညွှန်ပြပါဆိုလျှင် ကျိုက်သံလန်စေတီတော် ကိုသာ ညွှန်ပြရပါလိမ့်မည်။ မြန်မာ့သမိုင်းတွင် ကံရာဇာကြီး၊ ကံရာဇာငယ် ညီနောင်နှစ်ပါးသည် ဘုရင်အဖြစ်ကို ရရှိရန်အတွက် စေတီတစ်ဆူကို အပြိုင်တည်ခဲ့ကြရသည်။ ကျိုက်သံလန် စေတီတော်သမိုင်းသည်လည်း ထိုနည်းတူပင် ဖြစ်ပါသည်။ ထိုကဲ့သို့ စေတီအပြိုင်တည်၍ ပြဿနာဆုံးဖြတ်ခြင်းသည် မွန်လူမျိုးများကပင် စတင်ခဲ့သည်လား၊ ကံရာဇာကြီး၊ ကံရာဇာငယ်တို့ကပဲ စတင်ခဲ့သည်လားတော့ ကျွန်တော်လည်း မပြောတတ်ပါ။
စေတီတော်သမိုင်းမှာ...
ရှေးယခင်က မွန် နှင့် ရှမ်းလူမျိုးများ (ထိုအချိန်က မွန်လူမျိုးများသည် ယိုးဒယားလူမျိုးများကို ရှမ်း ဟု ခေါ်ဝေါ်ခဲ့ကြသည်။) သည် မကြာခဏ စစ်မက်ဖြစ်ပွါးခဲ့ကြသည်။ မွန်များက ရှမ်းဒေသကို စစ်မက်ပြုလိုက်၊ ရှမ်းများက မွန်ဒေသကို စစ်မက်ပြုလိုက်နှင့် အချိန်ကာလများစွာ စစ်ပွဲများဖြစ်ပွါးခဲ့သည်။ ထိုဒေသနှစ်ခုလုံးသည်လည်း စစ်ပွဲများကြောင့် ပျက်ဆီးခဲ့ရသည်။ တနေ့တွင် ရှမ်းများသည် မွန်ဒေသကို စစ်မက်ပြုရန်အတွက် ချီတက်လာကြသည်။ မွန်ဘုရင်သည် ပညာရှိသုခမိန်အမတ်များကို ခေါ်၍ ရှမ်းများအား မည်ကဲ့သို့ ပြန်လည်တိုက်ခိုက်သင့်ပုံကို ဆွေးနွေးတိုင်ပင်သည်။ ထို့နောက် ရှမ်းဘုရင်ထံသို့ သံအဖွဲ့အား စေလွှတ်ပြီး စစ်မက်ပြုခြင်းဖြင့် ဒေသနှစ်ခုလုံး ပျက်ဆီးဆုံးရှုံးမှုများဖြစ်ပေါ်၍ အကျိုးမရှိကြောင်း၊ ပညာရှိနည်းဖြင့်သာ ဆုံးဖြတ်သင့်ကြောင်း ပြောဆိုခဲ့သည်။ ထို ပညာရှိနည်းဖြင့် ဆုံးဖြတ်ချက်အရ ရှုံးနိမ့်သူက အနိုင်ရရှိသူ၏ဒေသကို မည်သည့်အခါမျှ ကျူးကျော်တိုက်ခိုက်ခြင်းမပြုရန် သဘောတူညီမှုရရှိခဲ့သည်။ ထိုပညာရှိနည်းမှာ - တစ်နေ့တည်းနှင့် ဘုရားတစ်ဆူကို မွန်လူမျိုးနှင့် ရှမ်းလူမျိုးတို့ အပြိုင်တည်ရမည် ဖြစ်သည်။ အရင်ဆုံးပြီးအောင်တည်နိုင်သူသည် အနိုင်ရရှိမည် ဖြစ်သည်။ ဤသို့ဖြင့် ကုန်းမြင့်တစ်ခု(ယခု ကျိုက်သံလန်ဘုရား ကုန်းတော်) ပေါ်တွင် မွန် နှင့် ရှမ်းတို့ စေတီအပြိုင်တည်ခဲ့ကြသည်။ မွန်လူမျိုးတို့က စေတီအမြန်ပြီးစီးရေးအတွက် ၀ါးများဖြင့် စေတီတည်ကြသည်။ တစ်နေ့တည်းနှင့် တည်ပြီးသော ထိုစေတီကို ထုံးသင်္ကန်း ကပ်လှူလိုက်သောအခါ အလွန်ပင် ကြည်ညိုသပ္ပါယ်ဖွယ်ကောင်းလှသည်။ ရှမ်းလူမျိုးတို့သည် စေတီတော်ကို အုတ်၊ သဲ၊ ကျောက် တို့ဖြင့် တည်ဆောက်သောကြောင့် တစ်နေ့တည်းနှင့် မပြီးပေ။ ထို့ကြောင့် ပညာရှိနည်းဖြင့် ဆုံးဖြတ်ချက်အရ မွန်တို့က အနိုင်ရရှိခဲ့သည်။ ထိုအချိန်မှစ၍ ရှမ်းတို့သည်လည်း မွန်ဒေသကို မည်သည့်အခါမျှ လာရောက်ကျူးကျော်ခြင်း မပြုတော့ပေ။
ကျိုက်သံလန်စေတီတော်၏ မွန်အမည်မှာ ကျာ်သေမ်လီု ဖြစ်ပါသည်။ မြန်မာလို အသံထွက်မှာ ကျိုက်ဆီမ်းလန် ဟူ၍ဖြစ်ပါသည်။ ကျာ် ရဲ့ အဓိပ္ပါယ်မှာ ဘုရား၊ သေမ် ရဲ့ အဓိပ္ပါယ်မှာ ရှမ်း ၊ လီု ရဲ့ အဓိပ္ပါယ်မှာ ပျက်ဆီးခြင်း၊ ထွက်ပြေးခြင်း လို့ အဓိပ္ပါယ်ရပါသည်။။ သို့ဖြစ်သောကြောင့် ကျာ်သေမ်လီု ဆိုသည်မှာ ရှမ်းလူမျိုးမျာကို ထွက်ပြေးစေနိုင်သော၊ ပျက်ဆီးစေနိုင်သော ဘုရားလို့ အဓိပ္ပါယ်ရပါသည်။
ဤစေတီတော်ကြီး၏ တန်ခိုးတော်ကြောင့် မွန်ဒေသသည်လည်း စစ်မက်မဖြစ်ပွါးတော့ဘဲ တိုးတက်စည်ပင်လာခဲ့သည်ဟု ပါးစပ်ရာဇ၀င်သမိုင်းအဖြစ် တည်ရှိနေပါတော့သည်။
သင်ဘယ်ကလဲ?
